क्रेष्ट माइक्रो लाइफ इन्स्योरेन्स लिमिटेडले वैदेशिक रोजगारीमा रहेका नेपाली नागरिकहरूका लागि जारी गरेको आईपीओको बाँडफाँड सम्पन्न भएको छ। कम्पनीले गत माघ १५ देखि २९ गतेसम्म निष्कासन गरेको उक्त आईपीओ फागुन ५ गते निष्कासन तथा बिक्री प्रबन्धक एनआईएमबी एस क्यापिटलको कार्यालयमा बाँडफाँड गरिएको हो।
निष्कासन तथा बिक्री प्रबन्धक एनआईएमबी एस क्यापिटलका अनुसार, यो आईपीओमा रितपूर्वक आवेदन दिने ४७,५१६ आवेदकमध्ये २२,५०० जनालाई सेयर वितरण गरिएको छ।
कम्पनीले कुल २२ लाख ५० हजार कित्ता सेयरमध्ये १० प्रतिशत अर्थात २ लाख २५ हजार कित्ता सेयर वैदेशिक रोजगारीमा रहेका, श्रम स्वीकृति प्राप्त नेपाली नागरिकहरूका लागि छुट्याएको थियो।
बाँडफाँड परिणाम एनआईएमबी एस क्यापिटलको वेबसाइट वा सिडीएससीद्वारा सञ्चालित वेबसाइटमार्फत हेर्न सकिन्छ।
