काठमाडौंको गौशालामा चारतारे होटल सञ्चालनमा आएको छ।
केएमसी ग्रुपका संस्थापकहरूको विश्वप्रसिद्ध अमेरिकी ब्रान्डसँग सहकार्य गरी ‘बेस्ट वेस्टर्न प्लस काठमाडौं’ सञ्चालनमा ल्याएका हुन्।
पब्लिक लिमिटेड कम्पनी अन्तर्गतको यस परियोजनामा डेढ अर्ब रूपैयाँ लगानी भएको छ।
यो होटल त्रिभुवन अन्तर्राष्ट्रिय विमानस्थल र पशुपतिनाथ मन्दिर नजिकै रहेको छ ।
होटलमा दुई उत्कृष्ट रेस्टुरेन्ट र रुफ टफ बार छन्। जहाँ १ सय ४० क्षमताको सनराइज क्याफे र १ सय ४० क्षमताको ला–भिस्टा रुफटप रेष्टुरेन्ट छन्। जहाँबाट काठमाडौं सहरको मनोरम दृश्य देखिन्छ।
होटलमा फिटनेस सेन्टर, हेल्थ क्लब, स्पा, स्टिम, साउना र बाहिरी स्विमिङ रहेको छ।
यो होटल ७ रोपनी क्षेत्रफलमा अवस्थित छ भने यसमा ८४ कोठा (रुम) छन्। जसमा ४ वटा सुइट रुम, ७ वटा प्रिमियम रुम, १२ वटा सुपर डिलक्स रुम र ६१ वटा डिलक्स रुम छन्।
कम्पनिको चाडै आइपिओ निसकासन गर्ने पनि योजना रहेको छ ।
