पछिल्लो समय बैंकिङ प्रणालीको सिडी रेसियो ८० प्रतिशत तल झरेको छ । निक्षेप संकलन तीव्र रुवमा बढ्दै गएको छ । कर्जा प्रवाह सोचेअनुरुप नभएपछी तरलता बढेर यस्तो भएको हो ।
असार ४ गतेसम्म भने बैंकिङ प्रणालीमा ६२ खर्ब ६३ अर्ब रुपैयाँ निक्षेप हुँदा असार ५ गतेसम्म बैंकिङ प्रणालीमा ६२ खर्ब ६५ अर्ब रुपैयाँ निक्षेप संकलन भएको हो । यसरी एक दिनको अन्तरालमा २ अर्ब रुपैयाँ निक्षेप बढेको हो ।
यो अवधिमा वाणिज्य बैंकहरुको कर्जा प्रवाह १ अर्ब रुपैयाँले घट्दै ४५ खर्ब ४३ अर्ब रुपैयाँमा भएको छ । असार ४ गतेसम्म ७९.८७ प्रतिशत रहेको सीडी रेसियो घटेर ७९.८३ प्रतिशत कायम भएको छ ।
यस्तै अन्तर बैंक ब्याजदर २.९९ प्रतिशतबाट घटेर २.९६ प्रतिशत रहेको छ ।
