सबै वाणिज्य बैंकहरुको आधारदर एकल अंकमा झरेको छ । निक्षेपको तुलनामा कर्जा प्रवाह नभएपछी बैंकहरुको आधारदर एकल अंकमा झारेका हुन ।
पछिल्लो समय बैंकिङ प्रणालीमा अधिक तरलता रहेको छ तर कर्जा प्रबाह सोचेअनुसार हुन सकेको छैन ।
आधारदर घट्नु भनेको बैंकहरुले प्रवाह गर्ने कर्जाको ब्याजदर पनि घट्नु हो । बैंकहरुले आधारदरमा ५ प्रतिशतसम्म प्रिमियम जोडर कर्जाको ब्याजदर निर्धारण गर्न सक्छन् ।
जेठ महिनामा २० वटा वाणिज्य बैंकको औषत आधारदर ८.५४ प्रतिशत विन्दुमा झरेको छ ।
हेर्नुस् बैंकको आधारदर
स्ट्याण्डर्ड चाटर्ड बैंकको आधारदर ७.०१ प्रतिशत कायम छ । यो सबैभन्दा कम हो । त्यस्तै राष्ट्रिय वाणिज्य बैंक बैंकको आधारदर ७.३५ प्रतिशत रहेको छ ।
जेठ महिनाका लागि एभरेष्ट बैंकको आधारदर ७.४८, नेपालको बैंकको ७.८५,नबिल बैंक ८.१,सानिमा ८.४१, सिद्धार्थ ८.५१,ग्लोबल आइएमई ८.५९,नेपाल इन्भेष्टमेन्ट बैंकको ८.२६,माछापुच्छ्रे ८.७,प्रभु ८.४९,कृषि विकास ८.६१, नेपाल एसबिआई ८.७७,एनआईसी एशिया ८.८६,एनएमबी ८.९४,हिमालयन ९.२,प्राइम ९.३,सिटिजन्स ९.७,लक्ष्मी सनराइज ९.१७ र कुमारी बैंकको आधारदर ९.६३ प्रतिशत रहेको छ ।