नेपाल इन्भेस्टमेन्ट मेगा बैंकले आफ्नो ८ लाख बढी कित्ता सेयर लीलाम बिक्रीमा राखेको छ।
यस बैंकले आफ्ना विभिन्न संस्थापक सेयरधनीहरुको नाममा रहेको ८ लाख १६ हजार १५३ कित्ता संस्थापक सेयर हाललाई विद्यमान संस्थापक सेयरधनीहरुले मात्रै खरिद गर्न सक्ने गरी बिक्रीमा राखेको हो।
यो सेयर खरिद गर्न इच्छुक संस्थापक सेयरधनीहरु ३५ दिनभित्र आवेदन दिईसक्नुपर्नेछ ।
यो सेयर खरिद गर्न बैंकको काठमाण्डौ लाजिम्पाटस्थित सेयर शाखामा आबेदन दिनुपर्नेछ।
तोकिएको समयभित्र संस्थापक सेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई बिक्री खुला गरिने बैंकले जनाएको छ।
