जनकपुरधाम उपमहानगरपालिकाले आज दिउँसो २ बजेपछि एसिया कप क्रिकेट हेर्नका लागि बिदा दिने घोषणा गारेको छ।
वरिष्ठ उपसचिव मेहीलाल यादवले निकालेको सूचनामा बुधबार दिउँसो २ बजेपछि उपमहानगरभित्रका विद्यालयमा बिदा दिन भनिएको छ ।
नेपालले पहिलोपटक एकदिवसीय वरीयताको शीर्ष स्थानमा रहेको टिमसँग खेल्नेछ। घरेलु टिम पाकिस्तानसँग मुल्तानमा प्रतिस्पर्धा गरेसँगै नेपालले विभिन्न रेकर्ड बनाउनेछ।
यस्तै नेपालले एकदिवसीय खेलमा पाकिस्तानसँग पहिलोपटक खेल्न लागेको हो। सन् २०१४ को टी-२० विश्वकप नेपालले प्रतिस्पर्धा गरेको ठूलो प्रतियोगिता हो।
टी-२० विश्वकप खेले पनि नेपालले एसिया कप भने खेल्न पाएको थिएन।
