काठमाण्डौ । सरकारले धितोपत्र निष्कासन नियमावली, २०८० संशोधन गर्नका लागि स्वीकृति दिएको छ।
नियमावली संशोधन गर्न नेपाल धितोपत्र बोर्डलाई मन्त्रिपरिषदको बुधबार बसेको बैठकले स्वीकृति दिएको हो ।
धितोपत्रसम्बन्धी ऐन, २०६३ को दफा ११६ को उपदफा १ अनुसार धितोपत्र बोर्डलाई धितोपत्र निष्कासन नियमावली, २०८० संशोधन गर्न सरकारले स्वीकृत दिएको हो ।
धितोपत्र बोर्डले अर्थ मन्त्रालयमा स्वीकृतिका लागि पेस गरेको उक्त नियमावली मन्त्रालयले अध्ययन गरेपछी मन्त्रिपरिषद्को बैठकमा स्वीकृतिका लागि पेस गरेको थियो त्यसलाई सरकारले स्वीकृति प्रदान गरेको हो।
