नेकपा एमालेका सांसद रघु पन्तले काठमाडौं उपत्यकामा धुलो र फोहोर व्यवस्थापन गर्न सरकारको ध्यानाकर्षण गराएका छन् ।
धुलोमैलो र फोहोरले मान्छे नचिन्ने अवस्था भएको भन्दै उनले यस्तो समस्या समाधानका लागि सरकारको ध्यानाकर्षण गराएका थिए । बुधबारको प्रतिनिधिसभा बैठकको शून्य समयमा बोल्दै सांसद पन्तले यस्तो बताएका हुन् ।
‘राति घर फर्किँदा धुलोले मान्छे नचिन्ने अवस्था छ । धुलाम्मे परिस्थितिबाट उपत्यकावासीले कहिले मुक्ति पाउने ? खाल्डोमा सडक छ कि सडकमा खाल्डो पत्ता लगाउन सकिँदैन । सरकार कहाँ छ थाहा छैन,’ सांसद पन्तले भनेका छन् ।
