सोल्टी होटल लिमिटेडले सेयरधनीलाई सरप्राइज दिएको छ । कम्पनीको कात्तिक १३ गते बसेको सञ्चालक समितिको बैठकले गत आवका लागि सेयरधनीहरुलाई खुशी पार्ने गरी लाभांश दिने निर्णय गरेको हो ।
बैठकले गत आवका लागि हाल कायम चुक्तापूँजीको १० प्रतिशत बोनस सेयर र २६.८४२१०५२६ प्रतिशत नगद लाभांश गरी कुल ३६.८४२१०५२६ प्रतिशत लाभांश दिने भएको छ ।
प्रस्तावित लाभांश पारित गर्न कम्पनीले आगामी पुस ४ गते साधारण सभा आयोजना गर्ने भएको छ । कम्पनीको उक्त ५० औं साधारण सभा काठमाण्डौको नेपाल प्रज्ञा भवनमा आयोजना हुनेछ ।
