नेपाल राष्ट्र बैंकका गभर्नर महाप्रसाद अधिकारीले बैंकहरुले धेरै ॠण दिए अर्थतन्त्र चलायमान हुन्छ भन्ने सोचाइ गलत रहेको बताएका छन । धेरै ॠण लिएर मात्र अर्थतन्त्रको बिकास हुन नसक्ने उनको सङ्केत थियो ।
ॠण प्रबाहका लागि बातावरण पनि त्यस्तै हुनुपर्ने उनको भनाइ थियो । त्रिभुवन विश्वविद्यालय केन्द्रीय अर्थशास्त्र विभागले शनिबार आयोजना गरेको अन्तर्राष्ट्रिय सम्मेलनमा गभर्नर अधिकारीले बैंकहरुले अहिले पनि जिडीपी भन्दा धेरै कर्जा प्रबाह गरेको तथ्य अगाडि राख्दै बैंकको कारण अर्थतन्त्र चलायमान नभएको भनाइमा सत्यता नरहेको भन्दै उनले भने ‘बैंकहरुको कर्जा प्रवाह मुलुकको कुल गार्हस्थ उत्पादन (जीडीपी)भन्दा धेरै भइसक्दा पनि कर्जा प्रवाह नभएर अर्थतन्त्र चलायमान हुन नसकेको भन्ने गरिएको छ’, उनले भने, ‘अर्थतन्त्र चलायमान हुँदामात्रै बैंकहरुको कर्जा प्रवाह बढ्छ। कर्जा दिएरमात्रै अर्थतन्त्र चलायमान हुन्छ भन्ने भ्रममा बस्न हुँदैन।’
गभर्नर अधिकारीले अगाडि भने, ‘अहिले बैंकले लोन नदिएका कारणले अर्थतन्त्र चलायमान भएन भन्ने गरिएको छ’, उनले प्रश्न गरे, ‘बजार चलायमान भएर ऋण चाहिने हो कि ऋण दिएर बजार चलायमान हुने हो ?’
हाल सबै देशका केन्द्रिय बैंकले अर्थतन्त्रलाई स्थायित्व दिन र मूल्यवृद्धि नियन्त्रणका कसिलो ब्यबस्था गरेको भन्दै उनले भने, ‘मुलुकको मूल्यवृद्धि नियन्त्रणमा राष्ट्र बैंकको महत्वपूर्ण भूमिका हुने भएकाले अर्थतन्त्र र मूल्यवृद्धिलाई स्थायित्व राख्नुपर्छ’।
उनले १२ करोडको निती खुकुलो बनाउने तर्फ कुनै गृहकार्य नभएको पनि सङ्केत गरेका छन ।
