नेपालको बजारलाई बैंक तथा वित्तिय संस्थाहरुको बाहुल्यता रहेको सेयर बजारका रुपमा पनि हेर्ने गरिन्छ । मर्जर र एक्विजिसनपछि हाल धितोपत्र दोश्रो बजार नेपाल स्टक एक्सचेञ्ज (नेप्से) मा २० वटा वाणिज्य बैंक सूचिकृत रहेका छन् । २० वटा वाणिज्य बैंकमध्ये ७ वटा वाणिज्य बैंकको सेयरमूल्य २०० भन्दा कम रहेको छ । यतिबेला वाणिज्य बैंकको सेयरमूल्य धेरैमा ७ सय ५० रूपैयाँसम्म र थोरैमा एक सय ७८ रूपैयाँसम्म रहेको छ ।
२० वटा वाणिज्य बैंकमध्ये, २ वटा बैंकको पीई रेसियो मात्रै २० भन्दामाथि छ । अन्य सबै बैंकको पीई रेसियो २० भन्दा कम छ । बैंकहरूको पीई रेसियो थोरैमा ९ गुणासम्म रहेको छ ।
