नेपाल विद्युत प्राधिकरणले विद्युत महसुल नतिर्नेहरुका लागि १५ दिनभित्र तिर्नु भन्दै सार्वजनिक सुचना निकालेको छ । मिलेमतो गरी चौबीसै घण्टा बिजुली लिने तर महसुल पनि नतिर्ने उद्योगी व्यापारीलाई बिध्युत प्राधिकरणले कारबाहिको चेतावनी दिएको छ ।
‘महसुल नतिर्न पाउनुपर्ने’ भन्दै अदालत पनि उनिहरुले मुद्धा दायर गरेको भएतापनी अदालतले उनिहरुको बिपक्षमा फैसला सुनाएपछी प्राधिकरणले आज (आइतबार) महसुल तिर्न सार्वजनिक सूचना जारी गरिदिएको हो ।
प्राधिकरणका अनुसार झण्डै दशक अघिदेखि डेडिकेटेड र ट्रंक लाइन सुविधा लिएका, तर महसुल नतिरेका ग्राहकको संख्या ६७ भन्दा बढीले २० अर्ब रुपैयाँभन्दा बढी महसुल बुझाउन बाँकी छ ।
सूचनामा अनुसार १५ दिनभित्र अर्थात् असोज १ गतेसम्म उद्योगी/व्यापारीहरूले २० अर्ब रुपैयाँभन्दा बढी विद्युत महसुल बक्यौता नेपाल विद्युत प्राधिकरणलाई बुझाईसक्नु पर्नेछ ।
उक्त समयभित्र महसुल नबुझाएमा प्राधिकरणले विद्युत महसुल संकलन विनियमावली, २०७८ को विनियम १० मा उल्लेखित प्रावधान बमोजिम कारबाही गर्ने चेतावनी दिएको छ । ‘मिटर रिडिङ्ग गरेको ६०औं दिनसम्म विद्युत महसुल नवुझाएमा बिना सूचना जनुसुकैसमयमा पनि विद्युत लाईन काटिनेछ,’ भन्ने नियम भएपनी राजनैतीक आड र अदालतमा बिचराधिन मुद्धा रहेको भन्दै हालसम्म महसुल नतिरी बिजुली चलाइरहेकाहरुले अब महसुल तिर्नु पर्ने नत्र कारबाहीमा पर्ने अवस्था आएको छ ।
