भिजन लुम्बिनी ऊर्जा कम्पनीले आईपीओ निष्कासन गर्नका लागि धितोपत्र बोर्डबाट अनुमति पाएको छ।
नेपाल धितोपत्र बोर्डले भदौ ५ गते कम्पनिलाई अनुमती प्रदान गरेको हो । कम्पनीले जारी पुँजी १ अर्ब ९१ करोड २५ लाख रुपैयाँको २० प्रतिशतले हुन आउने ३८ करोड २५ लाख रुपैयाँबराबरको ३८ लाख २५ हजार कित्ता साधारण सेयर निष्कासन गर्नका लागि धितोपत्र बोर्डले स्विक्रिती दिएको हो ।
कम्पनिले १० प्रतिशत साधारण शेयर आयोजना प्रभावित क्षेत्रका स्थानिय बासिन्दाका लागि जारी गर्नेछ। त्यस्तै बाँकी १० प्रतिशतमध्येको १० प्रतिशत बिदेशिक रोजगार गरिरहेका नेपालीका लागि, ५ प्रतिशत सामुहिक लगानी कोष, २ प्रतिशत कम्पनीमा कार्यरत कर्मचारीका लागि र बाँकी १५ लाख ८७ हजार ३७५ कित्ता साधारण सेयर सर्वसाधारणहरुका लागि निष्कासन गर्नेछ।
कम्पनीको धितोपत्र निष्कासन तथा बिक्री प्रबन्धक मुक्तिनाथ क्यापिटल लिमिटेड रहेको छ।
