आइएमई लाइफ इन्स्योरेन्स कम्पनी लिमिटेडलको प्रिमियम मूल्यमा आईपीओ आज असार १ गतेबाट प्रिमियम मुल्यमा आइपिओ बिक्री खुल्ला भएको छ। आज देखि बैदेशिक रोजगारीमा रहेकाहरुले आवेदन दिन पाउनेछन् भने अन्य सर्वसाधारणले असार २० गतेदेखि आवेदन दिन पाउनेछन् । नेपालमै पहिलो पटक जीवन बिमा कम्पनी आइएमई लाइफले प्रिमियम मूल्यमा आईपीओ निष्कासन भएको हो।
कम्पनीको कूल जारी पूँजी ४ अर्बको ३० प्रतिशतका दरले एक अर्ब २० करोड रुपैयाँ बराबरका एक करोड २० लाख कित्ता आईपिओ निष्कासन गरेको छ । तर, आइपिओ १०० रुपैयामा पाइने छैन । उक्त आईपिओमा १३६.९१ रुपैयाँ थप प्रिमियम मूल्य तिरेर खरिद गर्नुपर्ने भएको छ ।
प्रिमियम मूल्यमा आईपीओ जारी गरिएकोले प्रतिकित्ता २३६.९१ रुपैयाँका दरले सर्वसाधारण र विदेशमा रोजगारीमा गएकाहरुले उक्त आईपीओ खरिद गर्न पाउनेछन् । पहिलो चरणमा कूल निष्कासन भएको आईपीओको एक करोड २० लाख कित्ता साधारण सेयरको १० प्रतिशत अर्थात १२ लाख कित्ता वैदेशिक रोजगारीमा रहेकाहरुले आवेदन खुल्ला गरिएको हो।
जम्मा आईपीओका ५ प्रतिशत अर्थात ६ लाख कित्ता सामुहिक लगानी कोषलाई छुट्याइएको छ भने ५ प्रतिशत अर्थात ६ लाख कित्ता सेयर कम्पनीका कर्मचारीहरुको लागि छुटाएर कायम हुने आएको ९६ लाख कित्ता सेयर र बिक्री नभई बाँकी भएमा यसअघि आरक्षण गरिएको सेयर थप गरी कूल कायम हुन आउने सेयर सर्वसाधारणका लागि बिक्री गरिने बिक्री प्रबन्धक सिभिल क्यापिटलले बताएको छ ।
कपनिमा न्यूनतम १० कित्ताका र अधिकतममा १ हजार कित्ता सम्म आवेदन दिन सक्नेछन् भने आबेदन असार १ गतेदेखि १५ गतेसम्म अहिले बैदेसिक रोजगारिमा रहेकाले र असार २० गतेदेखि सर्वसाधारणले आबेदन दिन सक्नेछन ।
